gulat moment. {hwa!}

{kanina pagka-galing sa sumulong memorial highschool (nakakatuwa yung mga bata..ahehe) for CEERS, which lasted for more or less 8 hours, (for this day lang yun)}

pauwi na ko. antay ng jeep sa may (tinatawag na) imperial. after 8-10 minutes, ayun! nakasakay din. tigil-andar ang jeep. panay ang sakay ng mga pasahero. siksikan sa loob. pero malamig naman e kaya keri lang.

asa may sitio maligaya na ata. anlamig. kelangan dagdagan ang suot. bulatlat ng bag. hanap ng jacket. tumigil ang jip. may nasiraang jeep sa may dako pa doon. may mga bagong pasahero na naman. hanap ng jacket. may biglang kumalabit. {nakow! baka holdaper na to, but he wasn't, wala syang sinabing "akin na selpon mo". thank god} may sumakay na kakilala ko. GULAT!

just when i was starting to forget my memories of him; naman! saka pa sya magpapakita. sa isang napaka-awkward na sitwasyon kung saan kitang-kita ang aking pagka-haggard {ang gulo-gulo ng buhok ko at mukha na kong yagit. kakahiya..wahaha} wala kong ibang nasabi kundi isang napakalakas na "UY!" sabay titig sakin nga mga katabi ko sa jeep. e kasi naman, i was totally surprised, ang layo nun no, antipolo, o? e san pa sya galing? sa maynila pa. kainis naman kasi yung jeep nila, nasiraan pa..aysus.. it never crossed my mind that i would see him again this soon. ngayon pa na alam na nya. napatanga na lang tuloy ako. napatingin sa malayo. ayokong tumingin sa may side nila. baka sabihin nya tinitingnan ko sya. pero sa totoo lang ayoko muna talaga syang makita. nabubwisit kasi ako sa pagmumukha nya e...hwahaha.

tuloy sa pag-aatupag ng jacket na isusuot. bilis at ako'y nilalamig na. ayun. na-unzip. tic-tac-tic-tac. at naisuot. hwooh. ang hirap. ansikip sa jip.

konting chit-chat with him. {as in, konti lang talaga} pagkatapos. tingin na ulet sa malayo. tingin sa relo. tingin sa telepono. tingin sa labas.

hanggang sa dumating na sa tanay. di ko alam kung pano ko sya kakausapin. a. alam ko na "may pasok kayo sa monday?"

blahblahblahblah...andito na kame sa sakayan papuntang quisao. papunta na syang sakayan ng trike papunta sa kanila. ayoko na sanang lumingon kung hindi nya lang ako tinawag.:(

o sha? pano? babay.

life isn't fair...{it never was}

kailangan ko na naman bang mag-tanong ng bakit? {ooh...bakit?}
kung kailan naman ako nagsisipag mag-review at nag-eeffort na mag-sagot ng mga suggested at required book problems, at saka naman may kung anong pwersang humihila at nagpapatamad sa akin pagkatapos ng exam {tinatawag itong examination result, a.k.a. score}.

walangya! bad trip na naman ako. wag na lang kaya akong mag-aral? o_O

(humanda ka sakin ES 11, babawi ako sayo at sa mga taong nagpapahirap sa amin {akin} ...hwahahaha)

what have i done? {dramahan na naman}

Anong ginawa ko (kahapon)?

HINDI KO DAPAT SINABI SA KANYA! O_o

hinayupak na tinamaan ng lintek! panu na ko haharap sa kanya ulit neto...haha...nakakahiya walangya!

ano nang susunod na gagawin ko? where should i go from here?

Lecheng pag-ibig 'to!

pare ko {eraserheads}

Pare ko meron akong problema
Wag mong sabihing na naman
In-lab ako sa isang kolehiyala
Hindi ko maintindihan
Wag na nating idaan sa maboteng usapan
Lalo lang madaragdagan ang
Sakit ng ulo
At bilbil sa tiyan

Anong sarap
Kami'y naging magkaibigan
Napuno ako ng pag-asa
Yun pala haggang dun lang ang kaya
Akala ko ay pwede pa

Masakit mang isipin
Kailangang tanggapin
Kung kelan ka naging seryoso
Saka ka niya gagaguhin

O, diyos ko
Ano ba naman ito
Di ba
Tangina nagmukha akong tanga
Pinaasa niya lang ako
Lecheng pag-ibig to
O diyos ko ano ba naman ito

Sabi niya ayaw niya
Ayaw munang magkasyota
Dehins ako naniwala
Di nagtagal naging ganun na rin ang tema
Kulang na lang ay sagot niya

Ba't ba ang labo niya
Di ko maipinta
Hanggang kelan maghihintay
Ako ay naiinis na

Pero minamahal ko siya
Di biro
T.L. ako sa kanya
Alam kong nababaduyan ka na
Sa mga sinasabi ko
Pero sana naman ay maintindihan mo

O pare ko (o pare ko) meron ka bang maipapayo
Kung wala ay okey lang (kung wala ay okey lang)
Kailangan lang (kailangan lang) ay ang iyong pakikiramay
Andito ka ay ayos na (andito ka ay ayos na)

Masakit mang isipin
Kailangang tanggapin
Kung kelan ka naging seryoso
Saka ka niya gagaguhin

O, diyos ko
Ano ba naman ito
Di ba
Tangina nagmukha akong tanga
Pinaasa niya lang ako
Lecheng pag-ibig to
O diyos ko ano ba naman ito

totoo nga!

medyo huli na ko sa balita, pero paki nyo?
mark your calendars! august 30, 2008. CCP open grounds.

ERASERHEADS REUNION CONCERT!

{astig! astig! astig! astig! astig! astig! astig! astig! astig! astig!}

oo. totoo. libre pa 'to. yung tickets downloadable pero tba pa yung site.

excited na ko. pero di ko alam kung makakapunta ako dito. malamang patayan ang mga tao sa ccp sa araw na 'yon.

punta ka na lang dito para sa karagdagang impormasyon.:)

miss ko na sila:

cycles perfecta

natapos ko na ang unang subok kong mag-painting gamit ang water color. perstaym ito, na makabuo ako ng isang imahe na watercolor, tubig at brush lang ang gamit. lahat ng kulay, lahat ng linyang makikita mo dito, puro pa-brush lang. at dahil nga hindi pa ako sanay, tabi-tabingi ang outlines at di pantay ang pagkakalapat ng kulay. kinopya ko lang yung linework sa gawa ni alphonse mucha na "cycles perfecta". yung kulay, ako na ang nagdesisyon kung anu-ano sila. sa photocopied material ko lang ito kinopya. di uso ang colored photocopy, so black and white nga sya. kaya pag-pasensyahan nyo na kung magkaiba ang kulay nito at nung original. sorry kay master alphonse mucha kung hindi ko nabigyan ng karampatang hustisya ang kanyang obra.

pero naisip ko, hindi na rin ganoong kasama para sa isang baguhan. :)

{cheers}

eto yung original na cycles perfecta:

ano ba?

"o sya...sige. tara na at tayo'y mag-isnaban.
putik! nakakaasar ka na a...ano? sapakan na lang tayo?
bakit ba napaka-suplado mo?
tinurukan ka ba ng anaesthesia?
talaga bang derperado na ako?
ano bang nasa isip mo?
sino bang nasa isip mo?
p%+@n9!n@ bakit ba? iniiwasan mo ba 'ko?
sabihin mo naman sa akin kung galit ka sa 'kin. hindi ako magaling manghula.
kumusta ka na ba?
huwaahh...TT...miss na kita!"

mga sandaling nakaka-bad trip {kabanata isa}

ikalawang entri. wala ka nang paki kung pangalawa pa nga lang to e tungkol na agad sa mga pagka-bad trip ko nitong mga nakaraaang araw.

o? siya..basa.

1) bakit ba ang damot ng mga kapatid ko? lalo na 'pag computer na ang pinag-uusapan. ayaw talaga akong pagamitin. tapos pagmamakaawang walang hanggan. mga tipong "sige na pa-computer na ko." at nang sa wakas ay "ako" na ang gagamit ng computer...naman! pambubuwisit na walang humpay naman galing sa kapatid kong bunso. "ate, anong gagawin mo? matagal ka pa? hanggang anong oras ka? kelan ka matatapos? ako susunod sayo ha? ate, ang tagal mo naman!" e kumusta naman 'no? wala pa man akong trenta minutos na nakaharap sa computer e kuliling-kulili na ko sa kanya. samantalang ang dalawa kong kapatid na adik e inuumaga kaka-online gaming. hay. kung hindi ko lang talaga kapatid yung mga yon e malamang na-kutusan ko na.

2) wala na...wala na kong laptop. tuluyan nang napasa iba ang laptop ko. T_T. gudbay na laptop ko . may iba nang nag-mamay-ari sayo. nakakaiyak. pati ang dati kong wallpaper ay pinalitan na...isang senyales na hindi na talaga akin ang dating akin. nalulungkot ako...kasi isang taon at dalawang buwan ko pa lang napapakinabangan yon tas ibinigay na sa kapatid ko. ang masama pa neto ay binawi yon sa 'kin sa panahong kailangang-kailangan ko talaga itong gamitin. madami akong bagay na hindi nagawa dahil madami akong files na nandoon. na hindi naka-save sa flash drive (katangahan ko din; at isa pa ay hindi kasya lahat ng files ko sa flash drive ko). ang pangako ni inay ay ibibili nya ko ng bagong laptop bago matapos ang buwang ito, pero malabong mangyari 'yon. hindi pa kasi sya tumatama sa lotto.

3) nakakaasar. bakit ba nahiya pa kong lumapit kay master manix nung nakita ko sya minsan sa main lib? para akong lalaki na natorpe at nahiyang manligaw sa babae na matagal na nyang crush. bakit?..ooh..bakit?

4) hindi ko alam kung bakit ako naiirita kapag may mga pagkakataong dapat ang narinig ko ay "excuse me" o kahit na nga "ehkskhyus mih" pa yun e..basta excuse me..ang simple namang sabihin 'non a...bakit ang naririnig ko lagi ay "iskyus" o mas malala pa "iskis". ano ba yon? nahihiya ba silang magsabi ng excuse me o talagang pabulong lang sila kung magsalita..yung tipong mga kaluluwang ligaw o mga lamang-lupa lang ang makakarinig sa kanila. siguro nga bingi na ko. kailangan ko na atang magpa-tingin sa albularyo.

5) ngayon lang to. nako. talaga nga namang minamalas. malapit na sanang matapos ang entry na ito kung hindi lang nagloko ang connection ng unang computer shop na kinaroroonan ko kanina. ayan. napalipat tuloy ako sa iba ng wala sa oras. nagkaroon pa tuloy ng pang-namber payb.

badtrip talaga.

{ps: siguradong may (mga) kasunod pa 'to. madali akong maasar nitong mga nakaraang buwan...disclaimer: masyado pa po akong bata para mag-menopause. talagang bad trip lang ako.}

unang entri

hay...nakakapagod talagang mag-biyahe. walang masyadong katuturan ang araw na 'to, maliban na lang sa "sa wakas ay nakabili na rin ako ng centennial jacket" at sa "sa wakas ay nakapag-post din ako dito". wala akong magawa inaantok na ang utak ko pero ayaw pang pumikit ng mga mata ko.

at dahil wala akong ibang masabi, ikukwento ko na lang ang pakikipagsapalaran ko kanina sa may vinzons hall.

2:42. natapos rin ang discussion sa 122. atat na kong pumunta sa vinzons para pumila. para bumili ng jacket. tamang-tama maaga pa, wala pa sigurong naka-pila kasi 4:00 p.m. pa naman yung inaabangan ko--ang paglabas at pagtitinda ng centennial jacket. kaya. hala. sige. lakad mula melchor hall patungong vinzons hall.
2:54. sa wakas. narating ko rin ang dapat marating. ayan na. pag-akyat ko ng hagdan, putik! andami nang tao. sa tantiya ko, pang-apatnapu pa ako mula sa unang tao. hay. hindi lang pala ako ang nag-aapurang bumili ng jacket. bad trip.
4:07. tingin sa relo. hindi pa ba simula? napilitang sumagot ang nasa unahan ko, na hindi ko naman kilala- "hindi pa eh".
4:10. may lumabas na USC officer, eng'g rep. kilala ko. may sinasabi sya pero hindi ko na inintindi, masyado syang malayo para marinig ko. tinanong ako ng katabi ko: "anu daw?", sabi ko "ewan ko, ang layo e, hindi ko narinig...dapat may mic sila o kaya megaphone".
4:17. ayan na ang mga sako-sakong bigas, este mga supot na may lamang mga jacket at lanyard. ang dami. pero sa tingin ko, kulang pa rin ang mga yon para sa lahat ng tao na nandoon.
4:37. yehey! gumagalaw na ang pila. malapit ko nang magasta ang perang inipon ko sa loob ng dalawang linggo. aabot na ko [di kagaya nung isang linggo. naubusan ako :(]
4:49. haha..eto na. babay na 800 at mabuhay ang bagong jacket. [tamang-tama sa panahon ng tag-ulan. kung kailan ang mga tao ay nagpapa-angasan at nagpapa-bonggahan ng kani-kaniyang jacket]
4:56. ayos! nakalabas na ko sa lugar na pinipilahan para bumili ng NFA rice, sana walang depekto ang nabili kong bigas. at kung meron man, sana pwede pa ring isaing. ayokong isipin na inubos ko lang ang 800 ko para sa walang katuturang pinagka-gastusan.

uuwi na kong quisao. di ako umuwi nung nakaraang linggo. namimiss ko na ang nga tao sa bahay. [at wala na rin akong pera]. sana makasingit ako sa computer

eto na 'yung pinag-hirapan kong pilahan...hwahaha. nakabili rin. {dahil sa pangit ang kwaliti ng webcam namin, naging deep indigo ang kulay ng jacket na dapat sana ay kulay black, yung tatak ay gold [kaya siguro mahal yung jacket, e tunay na ginto ang ginamit pantatak]}

unang entri--walang kwenta...

sa sinumang bumabasa nito...kung hindi mo trip ang mga pinagsasasabi ko...mag-friendster ka na lang. o kaya manood ka na lang sa youtube. ok? ok.